ADD

बिता दिण


बिता दिण 

बिता दिणु मा इण क्या बात वहाई
मेर दगडी किले रात आई 
भोल्ह ब्योखंणी की बात णी च 
म्यार साथ यकुली रात गयाई
बिता दिनों मा इण क्या बात वहाई....

डंणडा डंणडा उडी मण 
उजाड़ कणड़ जोड़ी मण 
उकाला बाटा छोडी मण 
उन्दारू बाटा रुअडी मण 
बिता दिनों मा इण क्या बात वहाई....

तिबारी डंडाली मा हेर पड़युं
गों का बाटा मा फेर पड़युं 
जीकोडी मा लागुली सा गेडा  
जुन्यली रात मा बेल पड़युं 
बिता दिनों मा इण क्या बात वहाई....

बिता दिणु मा इण क्या बात वहाई
मेर दगडी किले रात आई 
भोल्ह ब्योखंणी की बात णी च 
म्यार साथ यकुली रात गयाई
बिता दिनों मा इण क्या बात वहाई....

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
मै पूर्व प्रकाशीत हैं -सर्वाधिकार सुरक्षीत

कवी बालकृष्ण डी ध्यानी 
Reactions

एक टिप्पणी भेजें

0 टिप्पणियाँ