आज की बारात

आज की बारात 

ऐजवा.......२ दिदो 

बारात पुहंचगै गाम मा

ऐजवा........२ पुआणु

दाल भात खैणी कुण भोज मा 

ऐजवा.......२

पत्ता भी हर्ची गैनी 

कंकरालो घीयु लुकी गैनी 

तम्बा लुट्या बीके गैनी 

पुआणु पैली भोज खैयाली आज गाम मा 

ऐजवा.......२

ढोलह दामु बिसरी गैनी

मसोबाज हर्ची गैनी 

अपरी संस्क्रती बिसरी गैनी 

पोप डिस्को ताल मा 

ऐजवा.......२

वैधी सजी चा बस केला पात्त्ता मा 

हवंन अग्नी जलण जब पंडो दक्षीण हाथ मा 

बाण देणारा कखक लुके अब ये गढ़ धाम मा 

दण बोढया जवान तुण्ड दारू की बरसात मा 

ऐजवा.......२

बारात की बिदाई भी णी व्हाई

गाम वाला पुन्ह्चगै अपर अपर घरमा 

कंण रीत आयींच अपर गढ़वाल मा 

अपरू अपरू कण कै की मत भेद व्हाई आज गाम मा 

ऐजवा.......२

ऐजवा.......२ दिदो 

बारात पुहंचगै गाम मा

ऐजवा........२ पुआणु

दाल भात खैणी कुण भोज मा 

ऐजवा.......२

बालकृष्ण डी ध्यानी

देवभूमि बद्री-केदारनाथ

मेरा ब्लोग्स

http:// balkrishna_dhyani.blogspot.com

मै पूर्व प्रकाशीत हैं -सर्वाधिकार सुरक्षीत 

कवी बालकृष्ण डी ध्यानी