रुपया हरच्यूं छे
गोल गोल रुपया
बोल बोल रुपया
कखक भाटैक तु आई
कखक भाटैक तिल जाण
तु कैं किसा मा रहलो
कैंका किसा रिटा करी जालो
गोल गोल रुपया
बोल बोल रुपया ..........................
कैंकी विपदा तु हरैली
कैंकु कुल्हंण लमडली
माय जीकोड़ी लगैकी
कीथै बुआल्या बाणुली
कैंकु दैण हाथ मा आली
कैंकु बायाँ हाथ भैर जाली
गोल गोल रुपया
बोल बोल रुपया ..........................
हाथा की रेघा मा छुपी छे
या कपाली मा तु लुकी छे
भाग्या मा तु दमड़ी छे
या फिर भुमी मा रुत्युं छे
ढुंढहली मील कखक कखक
कखक बै तु हरच्यूं छे
गोल गोल रुपया
बोल बोल रुपया ..........................
बैमानु मा छे तु या
तु इमानदारी दगडी छे
ठेकादरो तिजोरी मा बैठ्युं छे या
ध्याड़ी कमाव्णु मजदोर कुड़ी मा पड़यूँ छे
के कै हाथा मा तु ग्याई
पर मील ना तीथै कखक पाई
गोल गोल रुपया
बोल बोल रुपया ..........................
कैंकु हस्याणु व्हालो
कैं लाठ्याला रुणालु वहालू
मनख्यूं दगडी कभी कबार
आपरू परयूं मा भेद बताणु वहालू
गोल गोल गोल केंकी सब थै घुमाणु व्हालो
ये पीछ पडै मी थै आज कीले हर्ष्याणु वहालू
गोल गोल रुपया
बोल बोल रुपया ..........................
गोल गोल रुपया
बोल बोल रुपया
कखक भाटैक तु आई
कखक भाटैक तिल जाण
तु कैं किसा मा रहलो
कैंका किसा रिटा करी जालो
गोल गोल रुपया
बोल बोल रुपया ..........................
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
मै पूर्व प्रकाशीत हैं -सर्वाधिकार सुरक्षीत
0 टिप्पणियाँ