बात ही कुछ और चा

बात ही कुछ और चा

मयारू गढ़ देशा की दीदा 

बात ही कुछ और चा ..२ 

सब ठीख ठख यख ....२ बल 

सारा गढ़ नेता चोर चा

मयारू गढ़ देशा की .......

रुँतैला मुल्क मयारू 

गड्वाला रयफल फौजचा 

दस बरस बिरडी गैणी यख 

राजधनी बल अब भी गैर चा 

मयारू गढ़ देशा की .......

क्रांती होईं कभी यख भी 

अब सीयँ सभी लोग चा 

अपरा अपरी मा लाग्यां सब 

टक्का की माया को भोगचा 

मयारू गढ़ देशा की .......

देबता रूठी यख अबैर 

टेहरी डूबी बल सबैर सबैर 

प्रतापनगर छायूँ कंण अंधेर 

बिजली भी गयाई अब की बेल

मयारू गढ़ देशा की .......

नेताओं ना रचाई ऐ खेल 

जनता होयेगे रेल पैल

सौ बरसों बणी योजना 

ना पहुंची अब भी गढ़ रेल 

मयारू गढ़ देशा की .......

कुछ भी होंया यख भुल्हा 

पहडा थै ना लगदी ठेस 

हस्दु रुंदु रैंदु ऐ गढ़ वासी

कटे जंदु ऐ उमरी की बेल 

मयारू गढ़ देशा की .......

मयारू गढ़ देशा की दीदा 

बात ही कुछ और चा ..२ 

सब ठीख ठख यख ....२ बल 

सारा गढ़ नेता चोर चा

मयारू गढ़ देशा की .......

बालकृष्ण डी ध्यानी

देवभूमि बद्री-केदारनाथ

मेरा ब्लोग्स

http:// balkrishna_dhyani.blogspot.com

मै पूर्व प्रकाशीत हैं -सर्वाधिकार सुरक्षीत

बालकृष्ण डी ध्यानी