ये बाटा ये डाला
ये बाटा ये डाला
ध्यै लगणा छिन ऐजा
देक देक तेथे ऊ
सड़की का मोड़ बुलणा छिन ऐजा
कंन बिगरैली
स्वाणी दिखेंदी वा
हैरा धातुली पैनी
बांद नटेली वा
ईं जीयु का तार
वि जीयु तार दगडी मिलणा छिन ऐजा
गीत माया का
ये जिकोड़ी मा वा लगणा छिन ऐजा
ना दैर कैर छुचा
झट दौड़ी की ऐजा
तेथे अपरा डंडा कांठा
बोई बाबा बुलणा छिन
ये बाटा ये डाला
ध्यै लगणा छिन ऐजा
देक देक तेथे ऊ
सड़की का मोड़ बुलणा छिन ऐजा
एक उत्तराखंडी
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
में पूर्व प्रकाशित -सर्वाधिकार सुरक्षित
बालकृष्ण डी ध्यानी
0 टिप्पणियाँ