सेखैशरी ना कर तुम मेरी .

सेखैशरी ना कर तुम मेरी .

मी छु गड्वाली
गडवाल को माटु
मी छु सीधु साधू
समाज ना तुम लाटू
बीती बीती बंता मेरी
अब इंग्लिश भाषा मेरी
मी थै लग्णु छु घरु
अपरी गड्वाली बोली
पैंट शर्ट पहनीकी
धुल्दी कुरता सुलर टोपी
सेखैशरी ना कर तुम मेरी .
मी छु गड्वाली .............

भैजी भैजी ये मेरा भैजी
तुम ना कर खैरी
मी जणू छऊ भेरी
कमानुको रुपया खैरी
पुन्गड़ म्यार लगया मी थै गेरू
गडवाल हुग्य फुंडा सैरु
सेखैशरी ना कर तुम मेरी
मी छु गड्वाली .............

नेता की बाणी बता
हम ख्ये दल भाता
खैणी कमाणी नीच आजा
ओं की मुंडा पड़ गयी बंजा
जनता थै नाच नाच
हम बन गया बन्दर आज
सब खै गैनी आज
उन बजाण डामुरु आज
उन का साथ सिव शम्बू भी आज
सेखैशरी ना कर तुम मेरी
मी छु गड्वाली ............

देहरदुन की रात
मुंडा मा धरी हमणु हाथ
झणी क्या होली बात
पहडा का छु डी साथ
प्रगती तुड़ी नात
सब लगाण छ ये बात
कोई भी णी आणु मेरा साथ
गैर सैण आज पुडी बरसता
म्यार आंखी भीगा दिन रत
सेखैशरी ना कर तुम मेरी
मी छु गड्वाली ............

मी छु गड्वाली
गडवाल को माटु
मी छु सीधु साधू
समाज ना तुम लाटू
बीती बीती बंता मेरी
अब इंग्लिश भाषा मेरी
मी थै लग्णु छु घरु
अपरी गड्वाली बोली
पैंट शर्ट पहनीकी
धुल्दी कुरता सुलर टोपी
सेखैशरी ना कर तुम मेरी .
मी छु गड्वाली .............

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
मै पूर्व प्रकाशीत हैं -सर्वाधिकार सुरक्षीत



कवी बालकृष्ण डी ध्यानी