रे नेता दीदा

रे नेता दीदा

अपड़ी -अपड़ी ना देखा दीदा
कुछ हमारी भी देखा दीदा
अपड़ी -अपड़ी ना सोच दीदा
कुछ हमारी भी सोचा दीदा
हे दीदा ये मेरा नेता दीदा

ये रुल्यों ये डंड्यों का कंडा दीदा
म्यार मनख्यूं ना टागां दीदा
गीत मी फिर लगायु दीदा
झुलाह फिर फैरा यूँ दीदा
हे दीदा ये मेरा नेता दीदा

मोटर कार मा तेरी सवारी दीदा
मी थै सायकल तू लेले दीदा
तेरु टुपलाम क्या धरयुं दीदा
मी थै भी चखे दे रे दीदा
हे दीदा ये मेरा नेता दीदा

जब चुनावो आयी रे दीदा
ती थै हमरी मुखडी भाई रे दीदा
चुनवो जीताण बाद रे दीदा
कीलेणी हमरी याद आयी रे दीदा
हे दीदा ये मेरा नेता दीदा

देहरादुन मा मेरा रे दीदा
मी थै भुली ना जयां रे दीदा
खूब खैकी पी की रे दीदा
पाँच बरस बाद फिर अयाँ रे दीदा
हे दीदा ये मेरा नेता दीदा

सरकार तेरी ये रे दीदा
अब नुछमी नरेण रे दीदा
टका को थाल रे अब दीदा
खुब खुब अब खा रे दीदा
हे दीदा ये मेरा नेता दीदा

जनता थै तु छुड रे दीदा
दुरु की दुकानी खुल रे दीदा
पड़ा रेला फुंड रुला मा दीदा
टुंडा अपडा भागमा रे दीदा
हे दीदा ये मेरा नेता दीदा

हमरी ना सोच रे दीदा
अपरी ही सोच रे दीदा
दीदी भुली की खैरी तील ना जाणी रे दीदा
मनाणु छे रोज रोज मोज रे दीदा
हे दीदा ये मेरा नेता दीदा

अब तु जाग रे दीदा
कुंभकरण नींद मा ना सींयुं रे दीदा
अब चुनवा टैम रे दीदा
नींद तेर टूटैल रे दीदा
हे दीदा ये मेरा नेता दीदा

अपड़ी -अपड़ी ना देखा दीदा
कुछ हमारी भी देखा दीदा
अपड़ी -अपड़ी ना सोच दीदा
कुछ हमारी भी सोचा दीदा
हे दीदा ये मेरा नेता दीदा

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
मै पूर्व प्रकाशीत हैं -सर्वाधिकार सुरक्षीत


कवी बालकृष्ण डी ध्यानी