मण मा

मण मा 

मण कण धक् धाकटयात होणुचा

प्रीत मा कणी बात होणी चा 

दीण रात विंकी छुंई होणी चा 

निंदी खाईणी सब सैणी खोणीचा 

मण कण धक् धाकटयात होणुचा...........

ढुंगा गारा दगडी बचाण छान

अल छाला पल छाला भेंट होणी छान 

रोल्युं गद्न्युं मा माया बोगणी छन

प्रीत दगडी प्रीत अब होणी छन 

मण कण धक् धाकटयात होणुचा...........

ऊँचा निशा डंडा माया लगाण छन 

दूर प्युन्ली पहाडमा लजाणी छन 

बुरांश पोट्गी धरैकी कैतैकी हसणी छन

काफल किन्गोडा कुदगाली लगाण छन

मण कण धक् धाकटयात होणुचा...........

आंखी आंखी दगडी बचाण छन 

के छुयीं ये दगडी लगाणा छन 

तीबरी डंडाली गों-गोंठ्यार

बाटा पुन्गाड़ घारबार पन्त्दैर सब बचाण छन 

मण कण धक् धाकटयात होणुचा...........

मण कण धक् धाकटयात होणुचा

प्रीत मा कणी बात होणी चा 

दीण रात विंकी छुंई होणी चा 

निंदी खाईणी सब सैणी खोणीचा 

मण कण धक् धाकटयात होणुचा...........

बालकृष्ण डी ध्यानी

देवभूमि बद्री-केदारनाथ

मेरा ब्लोग्स

http:// balkrishna_dhyani.blogspot.com

मै पूर्व प्रकाशीत हैं -सर्वाधिकार सुरक्षीत

कवी बालकृष्ण डी ध्यानी