टेहरी डैम
टेहरी डैम पासा बैठ्युछु आजा
तब आयी एक आवाज
मीथै को वहलो ध्यै लगाणु आज
आवाज कखक बह्टैक आयी आज
लगी अपरू सा वी बात
मील आवाज दयाई
को छे रै भगायण
मी छु
एक आवाज आयी
झील भटैक .... मी छु टेहरी
लीवां सुणा टेहरी मै दागड़ मील क्या बचाई ............
को ध्यै लगाणु लगाणु आज .....
टेहरी ध्यै लगाणी लगाणी आज
हे बाब गढ़वाल तिल भी ना दे मेरु साथ
झील माँ लुकी टेहरी बचाणी आज
आणी छे क्या तुम थै भी अब मेरी याद
उजड़ी टेहरी ध्यै लगाणी लगाणी आज
बच्च्युं छुं पाणी का भीतर भी आज
कंण छुटालू ये भगवती तेरु साथ
डुब्याँ छन यख बस तुम्हरी छाप
ईस्ट देबतों को मीली माँ गंगा को साथ
उजड़ी टेहरी ध्यै लगाणी लगाणी आज
नयी टेहरी मा रैहकी बिसरीगै मेरु साथ
आणी वहाली क्या याद तुम थै वो प्रभात
खैरी विपदा अब भी क्या तुम्हर साथ
घार घार मा बत्ती बलैग्या क्या आज
उजड़ी टेहरी ध्यै लगाणी लगाणी आज
प्रगती की टेहरी मा मील क्या गति
पल्याँण का समस्या क्या हल व्हैग्या
लोगो का मेरा क्या जीवन सुधर गै
मेरा गढ़वाल को राजधानी क्या मीलगे
उजड़ी टेहरी ध्यै लगाणी लगाणी आज
टेहरी ध्यै लगाणी लगाणी आज
हे बाब गढ़वाल तिल भी ना दे मेरु साथ
झील माँ लुकी टेहरी बचाणी आज
आणी छे क्या तुम थै भी अब मेरी याद
उजड़ी टेहरी ध्यै लगाणी लगाणी आज
मी उजड़ी डूबी को प्रश्नों थै ?णी उत्तर छों
आप सजन थै मालोम होलो तर उत्तर दयावा धन्यवाद
उजड़ी टेहरी ध्यै लगाणी लगाणी आज
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
मै पूर्व प्रकाशीत हैं -सर्वाधिकार सुरक्षीत
बालकृष्ण डी ध्यानी
0 टिप्पणियाँ