विपदा गढ़ा की भैजी
विपदा गढ़ा की भैजी ये अपर गढ़ा की
को सुणलो को सुणलो आज
विपदा गढ़ा की
हर्ची गैणी हर्ची गैणी यख
राजधानी १७ जिल्हों की
११ बरस हर्ची रुपया खर्ची
दूँण सरकार वा मनमर्जी
विपदा गढ़ा की भैजी ये अपर गढ़ा की
को सुणलो को सुणलो आज
विपदा गढ़ा की
क्रांतीकरीयुं को सप्नीयुं को ताज
कखक लुक्युं व्हालो वा आज
गैरसैण को वो काटों को ताज
केले णी वख फुल खिला आज
विपदा गढ़ा की भैजी ये अपर गढ़ा की
को सुणलो को सुणलो आज
विपदा गढ़ा की
बंजा पुंगडा मनख्यूं की आस
रडत डाणडीयू मा वा बरसात
जंगलात मा चोरो का वो हाथ
दारू का ठेकादोरों का बस साथ
विपदा गढ़ा की भैजी ये अपर गढ़ा की
को सुणलो को सुणलो आज
विपदा गढ़ा की
माटा का कूड़ा लेंटर का कूड़ा की बात
बेटी बावरी नुँनो ओर दाण बुढयाँ साथ
गों गों केले रीट होग्याई गढ़ देश आज
प्रगती बाटा मा कालु सर्प बैठ्युं आज
विपदा गढ़ा की भैजी ये अपर गढ़ा की
को सुणलो को सुणलो आज
विपदा गढ़ा की
टेहरी डैम बणी नई टेहरी को आधार
सरकार छुड़ीगै पास बस्याँ गों का साथ
अधर मा लटकी च ओंकी सुरक्षा आज
बिजली की लोड शैडींग सरू गढ़ हैरण
विपदा गढ़ा की भैजी ये अपर गढ़ा की
को सुणलो को सुणलो आज
विपदा गढ़ा की
स्कुल भरा भरा म्यार गढ़ देश मा आज
एक शिक्षकों को पड़ाणु सारा स्कुल थै आज
कब बदले गा ये गढ़ देशा की हलता
बेटी ब्वारी पन्तेद्र मा करणी च बात
विपदा गढ़ा की भैजी ये अपर गढ़ा की
को सुणलो को सुणलो आज
विपदा गढ़ा की
उतराखंड देवभूमी दूर खडी देखणी आज
को बणालो ये ये गढ़ देशा को सम्राट
आयींच बेल को हरुलो मेरी विपदा खैरी आज
को हंसलू मी थै को बाणलू मीथै रुतैला ये गढ़वाल
लगी चु मी एक ही आस
विपदा गढ़ा की भैजी ये अपर गढ़ा की
को सुणलो को सुणलो आज
विपदा गढ़ा की
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
मै पूर्व प्रकाशीत हैं -सर्वाधिकार सुरक्षीत
बालकृष्ण डी ध्यानी
0 टिप्पणियाँ