आइजावा बौडी की वो परदेसी

आइजावा बौडी की वो परदेसी

घारा ऐजा बौडी बौडी की वो परदेसी

घारा ऐजा बौडी की

आपरू मुल्क छुडी की कण लगदु

अपरू से मुख मोड़ीकी कण लगदु वो परदेसी

घारा ऐजा बौडी की ......................

वो छाल्ला वो मंदर याद आण वाहला

नाल्खी का पाणी याद दिलणा वाहला

पन्तैदर का बिसरा बाटा

रै रै की ती थै रुलाणा वाहला

ऐजा दुओडीकी ठण्डु मीठु पाणी पीनाकुण

घारा ऐजा बौडी की ......................

सबका सब मील जली वख ती थै

मन्खी फिर भी रिती की रिती राली

क्या पाई तिल वख माया कमैकी

मोक्ष ती थै अपरी माटा मा ही पाई

ऐजा मोक्ष पाणकुण आपरी जन्म भुमी मा

घारा ऐजा बौडी की ......................

घारा ऐजा बौडी बौडी की वो परदेसी

घारा ऐजा बौडी की

आपरू मुल्क छुडी की कण लगदु

अपरू से मुख मोड़ीकी कण लगदु वो परदेसी

घारा ऐजा बौडी की ......................

बालकृष्ण डी ध्यानी

देवभूमि बद्री-केदारनाथ

मेरा ब्लोग्स

http:// balkrishna_dhyani.blogspot.com

मै पूर्व प्रकाशीत हैं -सर्वाधिकार सुरक्षीत

बालकृष्ण डी ध्यानी