नेगी दा

नेगी दा

देर होली अबेर होली, होली जरूर सबेर होली

बुरांस जानी खिल्दी जा
घुघूती जानी घुघूती जा
प्युन्ली हिलांस जुम्बला जुडादी जा
नेगी दा गीत लाग
खुद भी नाच मीथै भी नचा
नेगी दा हे नेगी दा

परदेश को धैया लगा
हेरदी आंखी आंसूं तू थाम
बेटी ब्वारी थै तू बाथा
चिठ्ठी पत्री भिज्दी जा
नेगी दा गीत लाग
खुद भी नाच मीथै भी नचा
नेगी दा हे नेगी दा

ढोल दामू माशू खूब बजा
झुमेलो पांडवा तू नचा
रित की प्रीत तू निभा
प्रेम की धारा तू बरसा
नेगी दा गीत लाग
खुद भी नाच मीथै भी नचा
नेगी दा हे नेगी दा

झोला लेकी मीथै घुमा
उकाला बाटा तू चड़दी जा
गों गोल्युं का गीत लगा
डूबती टेहरी तू बचा
नेगी दा गीत लाग
खुद भी नाच मीथै भी नचा
नेगी दा हे नेगी दा

पराया त बुल्दा छन
आपर भी अब बोलाण लाग्या
वोंकी छुंयीं मण मा ना धैर
आपर खुटलूँ तू हीट ती जा
नेगी दा गीत लाग
खुद भी नाच मीथै भी नचा
नेगी दा हे नेगी दा


एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
मै पूर्व प्रकाशीत हैं -सर्वाधिकार सुरक्षीत

बालकृष्ण डी ध्यानी