बथों फरफराणी छा
बथों आज फरफराणी छा
कैकू रैबार भग्याणी सुणाणी छा
केंकी माया लगाणी छा
बथों आज फरफराणी छा
सायं सायं राती का बेली
शोर किले कराणी छा
युकुली यक्ली किले तरपराणी छा
बथों आज फरफराणी छा
धुंद धरधडा अयाँ बयाँ सर सर
किले वहाली सर सरणी छा
एकटी किले सुधै खुधै बचाणी छा
बथों आज फरफराणी छा
शोर तेरु कैकू ओर्र लग्युं
कैकु ऐ लाटी भ्ट्याणी छा
किले यकुली जीयु झुरनी छा
बथों आज फरफराणी छा
कू सुणालो कूई णी आलू
निद्रा मा सइयां सबै का सब
तेरे बिपदा खैर कू जणलू
बथों आज फरफराणी छा
बथों आज फरफराणी छा
कैकू रैबार भग्याणी सुणाणी छा
केंकी माया लगाणी छा
बथों आज फरफराणी छा
एक उत्तराखंडी
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
में पूर्व प्रकाशित -सर्वाधिकार सुरक्षित
बालकृष्ण डी ध्यानी
0 टिप्पणियाँ