भंग्लो बौड़ा की होली

भंग्लो बौड़ा की होली

रंगा की होली खेली तिल
पाणी पिच्कैरी भोरी तिल
मुखडी लाल देखी तिल
जीजा साली सीयुं खैल तिल

देखी त देखी तिल सबै का सब
कया भंग्लो बौड़ा की होली देखी तिल
त दिखी लो भंग्लो बौड़ा की उत्तराखंड होली
भंग्लो बौड़ा णी भी खेली च होली

रात उठी बौड़ाअ जंगलात गै
भांग का पात्त तोउडीके घार ले
तब कया च जी बौड़ा फजल बौडी थै जगे
तब बौडी ल भांग पकोड़ा पके

बौड़ा खांद बैठी बैठी ल छकै छकै की खै
खै की खैकी बौड़ा बौडी बुलणु
ऐ छोरी भंग्लो बौड़ा एक पकोड़ा और्री दे
होली छ होली भंग्लो बौड़ा की छ होली

रिटी यख उन्द तल मथा
बौड़ा थे भंग्लो पड़गै रिंगा
छोरी भंग्लो बौड़ा एक पकोड़ा और्री दे
होली छ होली भंग्लो बौड़ा की छ होली

छोचा तू भी ऐ पकोड़ा दबा
भंग्लो बौड़ा थै पौडा गै नाश
सब थै बौड़ा बोला बोलैकी पकोड़ा खिले
बारी बारी बौडी बौड़ा बोले

छोरी भंग्लो बौड़ा एक पकोड़ा और्री दे
बौडी की दैण होगे दशा
भंगा का पकोड़ा पकै पकै की
बौडी होली बेल कटे होली छ होली भंग्लो बौड़ा की छ होली

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
में पूर्व प्रकाशित -सर्वाधिकार सुरक्षित

आपको और आपके समस्त परिवार को होली की हार्दिक शुभ कामनाये.

बालकृष्ण डी ध्यानी