क्ख्क छे तू

क्ख्क छे तू

चोला मेरु झौला रै
कंन रंग बदलणु चोला
झौला मेरु चोला रै
कंन माया ल्गाणु झौला
चोला मेरु झौला रै ..झौला मेरु चोला ........२

फिरदा रै मनखी फिरदा रै रे
ये डाला कबी वै डाला
चित नीच तेरु धरा
क्ख्क बोगणी च वो धारा
चोला मेरु झौला रै ..झौला मेरु चोला ........२

रंग रूपा का खेल चा
माया कू सब झोल चा
दुनिया जणी गॊल चा
रुपयुं मा ही आदम कू मोल चा
चोला मेरु झौला रै ..झौला मेरु चोला ........२

बिसरी गैंना बिसरी रैना
बीती छुंईं कू क्ख्क छा वो ऐना
दिख्ले दिख्ले तेरु ये रूप रंग
तू छे या कू दुसरू भैना
चोला मेरु झौला रै ..झौला मेरु चोला ........२

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
में पूर्व प्रकाशित -सर्वाधिकार सुरक्षित
बालकृष्ण डी ध्यानी