सौंण कू मैना
ठंडी मीठी ब्यार बहणी गौं गौठ्यार मा
सौंण कू मैना अयूँच मेरा पहाड़ मा …२
ठंडी मीठी ब्यार बहणी डंडा धारु मा
गीत लगाणी होली घस्यारी भुली मैता बणों मा
सौंण कू मैना अयूँच मेरा पहाड़ मा
ठंडी मीठी ब्यार बहणी गौं गौठ्यार मा ….
रुपेणी पुरी व्हली पुंगड़यूँ का सारीयूँ मा
बीज जमंण व्हला ऊँ रुपेणी का क्यारी मा
सौंण कू मैना अयूँच मेरा पहाड़ मा
ठंडी मीठी ब्यार बहणी गौं गौठ्यार मा ….
नऊ हजार कु मोबाईल स्वामी भेज देणी
गैलेक्शी स्मार्ट जणी मेरा पहाड़ बण गैनी
सौंण कू मैना अयूँच मेरा पहाड़ मा
ठंडी मीठी ब्यार बहणी गौं गौठ्यार मा ….
चिठ्ठी पत्री नी अंद ना तार ना मनी ऑडर
अब सब एक्सप्रेस अंद सेवा पहाड़ बणीगै मोर्डेन
सौंण कू मैना अयूँच मेरा पहाड़ मा
ठंडी मीठी ब्यार बहणी गौं गौठ्यार मा ….
एत्गा व्हैकी बी मी अच् यखुली च ये डेरा
स्वामी भैर देश गैना कामा कु च फेरा
सौंण कू मैना अयूँच मेरा पहाड़ मा
ठंडी मीठी ब्यार बहणी गौं गौठ्यार मा ….
ठंडी मीठी ब्यार बहणी गौं गौठ्यार मा
सौंण कू मैना अयूँच मेरा पहाड़ मा …२
एक उत्तराखंडी
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
में पूर्व प्रकाशित -सर्वाधिकार सुरक्षित
बालकृष्ण डी ध्यानी
0 टिप्पणियाँ