य्क्लो बनायो

य्क्लो बनायो

हे जो मन मेरु य्क्लो बनायो
बाट हेर हेरी कि य्क्लो बनायो ….२
हे जो मन मेरु
हेरी कि य्क्लो बनायो। ………

मी थे याद ऐकी स्वामी तुमरी खुद नी रुलायो
कंडों मा नांग खुंत्यों ईं जिकोड़ी हिटायो

बुरंस खिल्यां डाळ मा य्क्लो बनायो
उकालों का धारों मा य्क्लो बनायो ….२
हे जो मन मेरु
हेरी कि य्क्लो बनायो। ………

प्रीत की गेड मारी की प्योंली फुलयो
मौल्यार मा स्वामी गेड किले कि छोडायो

ये डंडा धारों मा मी य्क्लो बनायो
गौंऊँ गोठ्यारों मा मी य्क्लो बनायो ….२
हे जो मन मेरु
हेरी कि य्क्लो बनायो। ………

चिठ्ठी ऐ ई स्वामी कि स्वामी नी ऐ ई
चिठ्ठी मा आखर पड़ पड़े कि मी थे रुलायो

हे जो मन मेरु य्क्लो बनायो
बाट हेर हेरी कि य्क्लो बनायो ….२
हे जो मन मेरु
हेरी कि य्क्लो बनायो। ………

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
में पूर्व प्रकाशित -सर्वाधिकार सुरक्षित
बालकृष्ण डी ध्यानी