घंगतोल
घंगतोल मा छों मि
मि घंगतोल मा छों
जों बि जों क्खक जों मि
ईं सोच मा छों मि
घंगतोल मा छों मि
मि घंगतोल मा छों..........
एक्लो जियु मेरु एक्लो ये पराणु
कदगा खोळ छे तू ऐमा गेहरू
गद्नियों सि रौड़ी जौंलू
आंख्युं बाटू पौड़ी जौंलों
ये मेरु माया कू गेड़ा
तेरु तौल मा अटकी छों मि
घंगतोल मा छों मि ……………
भैर कि भित्र यख खैर ही खैर
भुकी पुटगी,खुटला जूतों मा धैर
बांजा पुंगडू देकि अब लगणि मिथे दैर
ध्याड़ी मा गुजरणी कुटुम्दरी कि हैल
अपरि गरीबी छोड़ा मा छों मि
गैल्यां तुमरि भरोस मा छों मि
मि घंगतोल मा छों..........
घंगतोल मा छों मि
मि घंगतोल मा छों
जों बि जों क्खक जों मि
ईं सोच मा छों मि
घंगतोल मा छों मि
मि घंगतोल मा छों..........
एक उत्तराखंडी
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
में पूर्व प्रकाशित -सर्वाधिकार सुरक्षित
बालकृष्ण डी ध्यानी
0 टिप्पणियाँ