लिख्युं कया

लिख्युं कया

लिख द्याई लिख द्याई
चिठ्ठी त्यारा नौऊ कि
लिख्युं कया
कया मिल लेखि च बल

त सुण लिंवा
मेरु प्रीती कु
कण म्च्युं च प्रपंच

बस जी
देखि च जबैर भ्तेक
तेरी बिगरेली स्वाणी जलेबी मुखड़ी
ये मेर जीकोडी कु तबैर भ्तेक
जल्युं च बल्प्

जल्नु ऊ टिप टिप
टीम टीम टिमरानु ऊ
बिच बिच मा यदा कदा
चम छम चमकरणु वो

हैल बुरु च
बल ऊ घैल हुँयुंच तेर बाना
बिन बटना कु मिच मच वहैकी
जल जले की बुझ्नु च

ऐ जा देख जा
मेरी करंट मेर बिजली
ते बिगेर ऐ मेरी प्रीत कु
टेहरी डैम बण्यू च

कन गत हुँईच
ते बिगर मेर जिंदगी
झंड फुंड वहैकि
उकळू बाटो हूंईं च

ऐ जा दौड़ी की
झट मेर भील गंगा
बिस्या ग्याई तिस मेरी
जन गैर मि सैंण हुंयुँ चा

त्यारू बस त्यारू
मी बस त्यारू

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
में पूर्व प्रकाशित -सर्वाधिकार सुरक्षित
बालकृष्ण डी ध्यानी