गढ़ मेरु कैक च

गढ़ मेरु कैक च

एक च
कि अनेक च
गढ़ मेरु कैक च

ढून्गू च
कि गारों कु च
बग्दी गंगा धारों क च

डंडियों को च
कि फूलूं , कांडों कु च
हैरा भैरा बाणों, खोलों कु च

विपदा च
कि खैरी पीड़ा कु च
हेरदी बांटों क च

बेटी-ब्वारी च
कि घोर छोड़ दा चालों कु च
दाना बुढ्युं छोरों क च

बिसयं गदनी च
कि टेहरी डैम कु च
बोई बाल-कुँवारी कु च

बद्री-केदर च
कि ऊंचा हिमाला कु च
बल बस दूँन सरकारा कु च

तुमि बतवा
कि मेरा उत्तराखंडियों
ये उत्तराखंड कै कु च

एक च
कि अनेक च
गढ़ मेरु कैक च

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
में पूर्व प्रकाशित -सर्वाधिकार सुरक्षित

बालकृष्ण डी ध्यानी