दुकी तेरु मन

दुकी तेरु मन

दुकी तेरु मन
बल सुक कख भत्ते की लाण
दुक दुक बोळी की
तिल सुधि इनि चलि जाण
दुकी तेरु मन

सुक का खातिर किले छों रुना
ऐ गैना तुम केले छों खोना
कै दगडी क्वी सदनी नि रैंदु
सुक त बल बस आंदु जांदु छैलु
दुकी तेरु मन

टक्कों दगडी अल्झी जियू छा
माया मा भटकी यकुली जियू छा
कण कै की खोजी की लाण जीयू थे
वै मा ही अटक्यूँ सबकु जियू छा
दुकी तेरु मन

यख वख कख ना तै थे मिळ्लु
मील जालु त मीथै बी बतै देई
वि दवाई थे मीथै बी पिलै दैई
वै सुका बाटा मा मी थै बी हीटेई
दुकी तेरु मन

दुकी तेरु मन
बल सुक कख भत्ते की लाण
दुक दुक बोळी की
तिल सुधि इनि चलि जाण
दुकी तेरु मन

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
में पूर्व प्रकाशित -सर्वाधिकार सुरक्षित
बालकृष्ण डी ध्यानी