पलायन एक चिंता .......मेरा उत्तराखंड से.. मीथै दगडी ली जैयां

ओ दागडया मीथै छुडी ना जैयां
कख भी जावा तुम
मीथै दगडी ली जैयां
ओ दागडया मीथै छुडी ना जैयां

त्यारू बचपन को दगडी
त्यारू जवानी की प्रीत
एक एक मीथै छुडी गैनी
मी होग्यों रीटा मी होगया रीट
ये बेटा मीथै छुडी ना जैयां

रीत कुड बंजा पुन्गड़
सारयों कों बौतला धना
पानतेद्र बैठी बऊडी
मुडमा ध्यरी का हाथ
ये छुचं मीथै छुडी ना जैयां

अब त्यरू सरू च
कोई णी हमुरु च
बीरल कुकर की भरमार
हम थै कु हाक मारा
मयारू लाटू मीथै छुडी ना जैयां

एक तरफ देवी आपदा
दूजी तरफ सरकार की मार
बिजली का बना बनीगे टेहरी डम
पर कखखी नीच बिजली का नाम

ये मेर सरू मीथै छुडी ना जैयां

आँखों मा सदनी खैरी
मन मा सदनी छपलटा
तीथई कभी णी आयी
म्यार उत्ताराखंड की याद
हे भुल्यों मीथै छुडी ना जैयां

ओ दागडया मीथै छुडी ना जैयां
कख भी जावा तुम
मीथै दगडी ली जैयां
ओ दागडया मीथै छुडी ना जैयां

बालकृष्ण डी ध्यानी


देवभूमी बद्री केदारनाथ

कवी बालकृष्ण डी ध्यानी