खैरी बल
मील भी जाणी खैरी बल
तील भी जाणी खैरी बल
कण काखान्द मा धरी
सबकी देखो खैरी बल
डंडा कंडा बंजा पुडी
रुलाया ग्द्याना छाला बल
गीत भी अब घुरना लागु
बैठ बहेंठल छाला बल
कण काखान्द मा धरी सबकी देखो खैरी बल
अब न्यु जमनौ च आयुन
देखा व्याका भी चाला बल
गुजरू जमाना ध्याई लगनु
जंतु जातु आपदा घर बल
कण काखान्द मा धरी सबकी देखो खैरी बल
नुअंन भी अब विदेश गयीन
महंगयीओं की देखो मारा बल
घर मुंदरा खेत रीता हुग्य
अब म्युरु गडवाल को भगा बल
कण काखान्द मा धरी सबकी देखो खैरी बल
मी बुल्दु बुल्दु थक्ग्यु बल
तुम खाई खाई की ना थाक्य बल
नीतऊँ की कण मोनाड मरयु
खैगी ताकुला भांडा चारा बल
कण काखान्द मा धरी सबकी देखो खैरी बल
जनता देखदी देखदी रहगा I
जिलों की यख भरमार बल
देहरदुन अब हैसिणु छु आज
जै शहीद हुयां देश लड़ा क्रतीकरयूँ पर
कण काखान्द मा धरी सबकी देखो खैरी बल
गैर-सैण भी बल गैर हुग्यी
देहर की देखा कण दुन हगे दुन द्वर पर
पहाड़ की प्रगती लुकाई गे
बल देख त्युं चूँ डंड पारा
कण काखान्द मा धरी सबकी देखो खैरी बल
मील भी जाणी खरी बल
तील भी जाणी खैरी बल
कण काखान्द मा धरी
सबकी देखो खैरी बल
कण काखान्द मा धरी सबकी देखो खैरी बल
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
मै पूर्व प्रकाशीत हैं -सर्वाधिकार सुरक्षीत
कवी बालकृष्ण डी ध्यानी मेरा ब्लोग्स
0 टिप्पणियाँ