आज वेदेशी हुईगुं
मी म्यार गड्वाला मा परयूं हुईगुं
भूखी तीश गरीबी महंगाई को मरयूं हुईगुं
मी म्यार गड्वाला मा परयूं हुईगुं
किताब बस्ता चड़ी कुर्ता रुलायुं हुईगुं
अपर बचूं की पढाई को बैरी हुईगुं
मी म्यार गड्वाला मा परयूं हुईगुं
बांजा पुंगड रडत दण्ड देखत हुईगुं
राशन दुकानी को रांगों की आदी हुईगुं
मी म्यार गड्वाला मा परयूं हुईगुं
दारू-शराब को मी बड प्यासु हुईगुं
आपरी कुटम दरी को भस्म सुर हुईगुं
मी म्यार गड्वाला मा परयूं हुईगुं
दीदी भूली भुला दादा को मी बैरी हुईगुं
अपर गामा अपर भूमी को खैरी हुईगुं
मी म्यार गड्वाला मा परयूं हुईगुं
अब ता मी गद्न्य रुल्युं को छालों हुईगुं
ये बोयी ये डणदीयुं का मी बोलीयूं हुईगुं
मी म्यार गड्वाला मा परयूं हुईगुं
मीलणी जणी ये देव भूमी की खैरी
हे भुल्हा मी एक आज वेदेशी हुईगुं
मी म्यार गड्वाला मा परयूं हुईगुं
अब सुच्णु की क्या पाई मैनी हुईगुं
टका की पीछाणु मी लीचाणु हुईगुं
मी म्यार गड्वाला मा परयूं हुईगुं
बालकृष्ण डी ध्यानी
देवभूमि बद्री-केदारनाथ
कवी बालकृष्ण डी ध्यानी
0 टिप्पणियाँ