मेरी सेवा लींवा
ये मेरा मुल्की
ये मेरा लोग
मयारू धन भागा
जन्मों मी ये गढ़ देश
ये मेरा मुल्की
पैलू पैलू सेवा लींवा
भगवती का चरणु मा
बद्री केदार हीमाला गोदी मा
भगीरथी बगती जांदी
गढ़वाल का खंडु मा
ये मेरा मुल्की
दुंजी दुंजी सेवा लींवा
हंमरु पंचा प्रयागा
पांच पांडव भी आई
याखा स्वर्गा रोहण मा
म्यार पितरों की पुणयाई
ये मेरा मुल्की
तीजी तीजी सेवा लींवा
म्यार माता पिताजी
गों गोल्युना भै भैण जी
उंकालो उंधरु जीवण
हमरा खैरी का बाटा जी
ये मेरा मुल्की
चोथी चोथी सेवा लींवा
म्यार उत्तराखंड देशा जी
उन शहीदों उन क्र्न्तीकरीयुं थै
खंड बाण मर गैनी खफ गैनी
उन वीर सपोतों थै प्रणाम
ये मेरा मुल्की
पांचवी सेवा मेरी लींवा
म्यार गढ़ देश की नारी
ये देश का बेटी बावरी
विपदा इनकी आती भारी
तील कभी अहाँ णी भारी
ये मेरा मुल्की
पांच खंडो मा म्हांन
म्यार खंड को ये वरदान
हमरा देबता को घार
देवों की भुमी कर उधार
आदी गुरु शंक्रचर्या
को ये च तीर्थ स्थान
ये मेरा मुल्की
ये मेरा मुल्की
ये मेरा लोग
मयारू धन भागा
जन्मों मी ये गढ़ देश
ये मेरा मुल्की
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
मै पूर्व प्रकाशीत हैं -सर्वाधिकार सुरक्षीत
कवी बालकृष्ण डी ध्यानी
0 टिप्पणियाँ