आंखी
आंखी देख कीले फफ्रराणीच
दुर देख देखिकी कीले टाप काणी च
माया लगणदी च
कभी लज्जांदी च
कभी बुलाणदी च
कभी मन को भेद छुपांदी च
कभी लगणदी च
म्यार गड़ देश की ये आंखी
कणी श्रमयाली ये आंखीच
निर्जर निर्मल प्रेम
अन्ख्युमा समायु च
वों मा प्रतीक्षा को
बंधा देख लग्युंचा
बाटा हेरदी च ये आंखी
म्यार गड़ की कहाणी लगदी च
पीड़ा खैरी छुंपंदी च ये आंखी
सवेर सवेर उठ जांदी च
कम मा लग जांदी च
सारी पुन्गडी डंडा ले जांदी च
चुलह भी व जलन्दी च
दोई व्हैकी भी यकुली च ये आंखी
रातमा उदास होजाणदी च
आंखी मा नींदी बहाणी च
मैता की स्वामी के खुद लगणी च
भै भुलों बाण टापराणी च
मी थै याद आंदी च
मी थै म्यार मुल्क बुलण दी च
मेरी आंखी मा वों की आंखी छुप जांदी च
मेरी देश की ये आंखी च
आंखी देख कीले फफ्रराणीच
दुर देख देखिकी कीले टाप काणी च
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
मै पूर्व प्रकाशीत हैं -सर्वाधिकार सुरक्षीत
कवी बालकृष्ण डी ध्यानी
0 टिप्पणियाँ