गुस्सा

गुस्सा

आपरी गुस्सा थै दिदो 

काबू णी कर पायी दिदो 

जख भी रहुं वख दिदो 

पीछणे पीछणे आयी दिदो 

आपरी गुस्सा थै दिदो .......

घरमा भी झख झख 

बोई की जीकोडी धका धक 

बाबा थै सताई दिदो 

माया णी लगाई दिदो 

आपरी गुस्सा थै दिदो .......

गाम गाम सड़की सड़की

उकाला उदंरा मा भटकी 

धयां भाटै काबैर लमडी

गुस्सा की ना निकल गर्मी 

आपरी गुस्सा थै दिदो .......

कुटमदरी मा भी गुस्सा

रास ना आयी गुस्सा 

बाल बच्चों संग भी गुस्सा

बणग्या बीमारी मेर गुस्सा

आपरी गुस्सा थै दिदो .......

बोडया होंगयुं अब मी सोचणु

यकुली अब मी कीले रैंदु 

गुस्सा जीन्दगाणी खैगे

गुस्सा अब भी दगडी हीटणु 

आपरी गुस्सा थै दिदो .......

आपरी गुस्सा थै दिदो 

काबू णी कर पायी दिदो 

जख भी रहुं वख दिदो 

पीछणे पीछणे आयी दिदो 

आपरी गुस्सा थै दिदो ...

बालकृष्ण डी ध्यानी

देवभूमि बद्री-केदारनाथ

मेरा ब्लोग्स

http:// balkrishna_dhyani.blogspot.com

मै पूर्व प्रकाशीत हैं -सर्वाधिकार सुरक्षीत

बालकृष्ण डी ध्यानी