आणी छे क्या?

आणी छे क्या?

आणी छे क्या याद तिथै म्यार गढ़वाल की 

हरच्या हरच्या लोग अब देखै अब उत्तराखंड का 

आणी छे क्या................

आणी छे क्या याद तिथै मुजफ्फरनगर कांड की

हत्यारों थै सजा णी मिलै ये मौन धारों का 

आणी छे क्या................

आणी छे क्या याद तिथै वा मसूरी कंडा की 

उत्तरखंड बाण शहीद वों क्रांतीकरीयुं भै भैणु की 

आणी छे क्या................

पहाडॉ का औद्योगिक विकास बाण मौन कीले 

करोंड़ो परिसम्पत्ति उ०प्र० लाण बाण मौन कीले 

आणी छे क्या................

ये उतरखंड बाण जीण शहीदों आहुती दयाई

उन शहीदों का विचारों दगडी क्या ये खंड बाणे

आणी छे क्या................

सत्रह जिलों कतार लगै उत्तरखंड बल कण देखै

दूँण मा राजधानी सजै गैर सैण थै भुलीगै 

आणी छे क्या................

घार घार गों गों खैरी विपदा का सुर जागै 

पलयान समस्या को कालु सर्प फण फैले

आणी छे क्या................

आणी छे क्या याद तिथै म्यार गढ़वाल की 

हरच्या हरच्या लोग अब देखै अब उत्तराखंड का 

आणी छे क्या................

बालकृष्ण डी ध्यानी

देवभूमि बद्री-केदारनाथ

मेरा ब्लोग्स

http:// balkrishna_dhyani.blogspot.com

मै पूर्व प्रकाशीत हैं -सर्वाधिकार सुरक्षीत 

बालकृष्ण डी ध्यानी