सैकी

 

सैकी 

सै सैकी ग्याई ऐ 

उपरी उपरी आई ऐ 

जवानी को ..२ उमला ऐ 

कुछ कम णी आई ऐ 

सै सैकी ग्याई ऐ …..

बाबा बोईल समझाई 

कभी मारी मीथै 

कभी मीथै दम दै 

दादा दादी को मयलादू ऐ 

सै सैकी ग्याई ऐ …..

स्कोला कोलेज मा भी 

दर मंदरा कुल्हाण मा भी 

उकाली उंदार मा भी 

मीथै कुछ भी णी भायी ऐ 

सै सैकी ग्याई ऐ ……….

ब्योहा व्हाई बावरी आई 

सेवकरी मेरी दो नुँनो वहई 

घर पुंगड़ का काम भी 

सोंजड़या ल ही क्याई ही ये 

सै सैकी ग्याई ऐ …..

बु ढो व्हैगेऊ मी अब ऐ 

बल अब भी खटुला ही प्यारु ऐ 

खेंशी खेंशी की दमदयट दयाई 

हुका चाय अब भी खट्लू मा आई 

सै सैकी ग्याई ऐ …..

मेर इनी जींदगानी गै 

केंकी णा मील फिकर की 

बीडी की सुटा मिल फूकै

बाटली थैली खट्लू मा ऐ 

सै सैकी ग्याई ऐ …..

सै सैकी ग्याई ऐ 

उपरी उपरी आई ऐ 

जवानी को ..२ उमला ऐ 

कुछ कम णी आई ऐ 

सै सैकी ग्याई ऐ …..

बालकृष्ण डी ध्यानी

देवभूमि बद्री-केदारनाथ

मेरा ब्लोग्स

http:// balkrishna_dhyani.blogspot.com 

मै पूर्व प्रकाशीत हैं -सर्वाधिकार सुरक्षीत

बालकृष्ण डी ध्यानी