सब सीयँ छंण
अबैर दा गीज्यां छंण सब
अपरा अपरा छुंयीं मा ...२
गढ़देश उत्तराखंड मा दीदा
कैल सोचण सींयां छंण च सब
अपरा अपरा नींदी मा ....२
अबैर दा गीज्यां छंण सब ...............
उत्तराखंड सरकार सीयीं छा
लोक अपरमा गीज्यां छं
कैल ध्यै लगाण कैल जगाण
कैल यख मशाल जलाण
कैल कूड़ा भतैक भैर आण
अबैर दा गीज्यां छंण सब ...............
बंजा पुंगडा थाल बजाण
माशाण गदनीयाँ जागर लगाण
रडदा डंडा अब देख नाचणा
कब जागा होलो हे नरंकार
आपरा बस भुल्हा बाटा हेरणा
अबैर दा गीज्यां छंण सब ...............
देवी सती अब जगी हो
मुछलों मा दमी अब डैर भगा
हे भगवती फिर मशाल पेटा
शहीद क्रांतीकरीयुं भै भैणु
टपराणु जीयु को अब तु मुक्ती दे
गैरसैण राजधानी बाणा..............
अबैर दा गीज्यां छंण सब
अपरा अपरा छुंयीं मा ...२
गढ़देश उत्तराखंड मा दीदा
कैल सोचण सींयां छंण च सब
अपरा अपरा नींदी मा ....२
अबैर दा गीज्यां छंण सब ...............
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
मै पूर्व प्रकाशीत हैं -सर्वाधिकार सुरक्षीत
बालकृष्ण डी ध्यानी
0 टिप्पणियाँ