रंत-रैबार हे

रंत-रैबार हे

रंत-रैबार हे ....२
मेरु पाड गढ़वाल हे
उंचा डंडा कंडा हे
मेरु गढ़ उत्तराखंड देशा हे
रंत-रैबार हे ....२

आणा व्हला हे
जो भैर देश ग्याँ बाटा हे
वो खुटी ऐगै कूड़ा हे
लक्ड़ो डंडों कू ले सारु हे
रंत-रैबार हे ....२

दानी आंखी हेरा हे
जेंकी मुल्की बिदेशा हे
बंजी जिकोडी गेडा हे
यकलोपन छुंई लगाणू हे
रंत-रैबार हे ....२

झ्गोली कू फेरा हे
सात बेदी कू वो डेरा हे
लगी व्हाली खुदी हिया हे
प्रीत खोगै कै देसा हे
रंत-रैबार हे ....२

घुघूती देजा रंत-रैबार हे
एक एक कै की वोंका घार हे
अणा व्हाला वोंका स्वामी
जो गै थै छोडी रोंतेलों ऐ देशा हे
रंत-रैबार हे ....२

रंत-रैबार हे ....२
मेरु पाड गढ़वाल हे
उंचा डंडा कंडा हे
मेरु गढ़ उत्तराखंड देशा हे
रंत-रैबार हे ....२

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
में पूर्व प्रकाशित -सर्वाधिकार सुरक्षित

बालकृष्ण डी ध्यानी