ऐग्युं फिर ऐ पाड़ा
रीट राटी की ऐगयुं मी
रीता रीता फिर परती गयुं मी
ऐग्युं फिर ऐ पाड़ा मी
ऐग्युं ऐ पाड़ा हे......गंगा की धारा
ऐगयुं ऐ गढ़वाला..............
कुच ना बदली यख
बदली बस मनखी कु मन
सरीर कु सुख देखी जैन
मेर जण वो यख भटे भागी
ऐग्युं मी ऐग्युं मी
ऐग्युं ऐ पाड़ा हे......गंगा की धारा
ऐगयुं ऐ गढ़वाला..............
ऐ जुनी खोज खाजी की
रोज ऐ पोट मरीकी
फिरदा रयुं मी यकुली सी
ऐ पाड़ा ऐ घार छुडीकी
ऐग्युं मी ऐग्युं मी
ऐग्युं ऐ पाड़ा हे......गंगा की धारा
ऐगयुं ऐ गढ़वाला..............
कुच ना सुचे
कुच ना बुझे मी थै
यूँ उंदारूं का बाट दौड़ी की
ऐग्युं फिर मी उकालों बाट बौड़ी की
ऐग्युं मी ऐग्युं मी
ऐग्युं ऐ पाड़ा हे......गंगा की धारा
ऐगयुं ऐ गढ़वाला..............
रीट राटी की ऐगयुं मी
रीता रीता फिर परती गयुं मी
ऐग्युं फिर ऐ पाड़ा मी
ऐग्युं ऐ पाड़ा हे......गंगा की धारा
ऐगयुं ऐ गढ़वाला..............
एक उत्तराखंडी
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
में पूर्व प्रकाशित -सर्वाधिकार सुरक्षित
बालकृष्ण डी ध्यानी
0 टिप्पणियाँ