मेर देशा की माया
यख जख वख
कख भी ज्न्याँ
खती पड़ी व्हाली
मेर देशा की माया
ये और्री तै और्री
चौ तरफी बेखरी पड़ी व्हाली
म्यार खैरी का देश मा
म्यार विपदा का देश मा
म्यार डंडों का देश मा
म्यार कंडों का देश मा
हे उत्तरखंड म्यारा गढ़ देश मा
लगी व्हाली क्वी
सजी व्हाली पिंगली सारी मा
बैठी व्हाली टेक की
सोने नथुली व्हाली नाकी मा
वोंकी आंखी माया दडी व्हाली
म्यार खैरी का देश मा
म्यार विपदा का देश मा
म्यार डंडों का देश मा
म्यार कंडों का देश मा
हे उत्तरखंड म्यारा गढ़ देश मा
वख दाणी डाली जमी व्हाली
रुखी सुखी डाली मा आस की
की एकी टक टकी लगी व्हाली
मुखडी खींचा रेघा का दगडी
माया का तांसू भिज्या व्हाला
म्यार खैरी का देश मा
म्यार विपदा का देश मा
म्यार डंडों का देश मा
म्यार कंडों का देश मा
हे उत्तरखंड म्यारा गढ़ देश मा
बालपना का डेरा मा
गैर हाकंणा व्हाला छोरो मा
तिमला कंडली कैदु की सारी मा
बौडी की साग और्री बाडी मा
किनकारालू घीयु का छरा मा
म्यार खैरी का देश मा
म्यार विपदा का देश मा
म्यार डंडों का देश मा
म्यार कंडों का देश मा
हे उत्तरखंड म्यारा गढ़ देश मा
यख जख वख
कख भी ज्न्याँ
खती पड़ी व्हाली
मेर देशा की माया
ये और्री तै और्री
चौ तरफी बेखरी पड़ी व्हाली
एक उत्तराखंडी
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
में पूर्व प्रकाशित -सर्वाधिकार सुरक्षित
बालकृष्ण डी ध्यानी
0 टिप्पणियाँ