दीदी गीता चंदोला दी

दीदी गीता चंदोला दी

देखा दीदी ईंन लगी च
यकुली यकुली धुंगा सरनीच
आपदा विपदा यख आंसूं रुणा च
गीता दी खैरी पीड़ा हरनी च

दूर भ्तेक ना आंसूं डाला
धै लग्णु पाड़ ऐ जावा दादा
हाथ भार तू बी लगालॆ
गीता दी दगडी तू खुठा हिटा दे

माया अपरू थै तू लगाले
बिराणा समझी की
ना इनी आंखी फिरा दे
गीता दी दगड तू दगड लगदे

हैन्सी का फिर दिना आला दादा
कब तक दीदी इनी रुन्शा राला
दीदी हाथों थे चार कर दे
अपरा पाड़े की पीड़ा हरदे

लोक बोल्दा रिंदा दीदी
क्नुडी थे बोलदे अनसूणी कैदे
तू पाड़े की बेटी छे दीदी
तेरु ही यख जमी खेती च दीदी

देखा दीदी ईंन लगी च
यकुली यकुली धुंगा सरनीच
आपदा विपदा यख आंसूं रुणा च
गीता दी खैरी पीड़ा हरनी च

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
में पूर्व प्रकाशित -सर्वाधिकार सुरक्षित
बालकृष्ण डी ध्यानी