मी बालकृष्ण धि. ध्यानी

दिनांक १४/७/२०१३
बार इतवार

मी बालकृष्ण धि. ध्यानी
रैहणा कु जिला पौड़ी गढ़वाल उत्तरखंड
पोस्ट रिखानीखाल पट्टी पाणी सैण
ग्राम पाली

सेवा मा आप सब थै नमस्कार और राम राम जी

पाड़ा देब्तों औरी बोई बाबा का आशीष वचन साथ मी राजी खुशी छों
आप लोगों थे वोंका आशीष वचन दगडी राजी खुशी रहला ये कामना कर दू

चिठ्ठी लिखाणा की बात ईच की गढ़ मेरु बोगाणों लगगे .
उत्तराखंड मा चौं तरफा हाहाकार मची च .
आपरा लोको का बुरा हाल होंयोंच कैका सारी मवशी घर दर कूड़ा सारी ईं आपदा मा बोगीग्या
रहांणा कू कूड़ा नीच खाणा को अन्न नीच रहात का नाम पर आजकल व्यापर हुन्योंच

कैक समण हाथ पसरनी जब अपरी सरकार संवेदनाहीन बणगे .
जो मोरगे वों थे २ लाख टक्का जो घायल छन ५० हजार का टक्का
और्री ज्यों का कूड़ा बोगीगे वों थे बस ५० हजार टक्का

रहत का नौ दगडी बस मजाक हूँयुंच

अब तुमी बताव अब तुमी समजवा कया करण हमल ?

आपको एक भै
जो ईं आपदा शिकार वहालो

एक उत्तराखंडी
बालकृष्ण धि. ध्यानी
बालकृष्ण डी ध्यानी