मेरु पाड़

मेरु पाड़

मेरु पाड़
मीथै प्यारु लागै
गंगा जुमना की यख
कंण धरा लागै
मेरु पाड़
मी थै प्यारु लागै……

अधमुख छन
मेरु हिमाल
कैलास मा बस्याँ
देब्युन्तों का ठों हमारा
मेरु पाड़
मी थै प्यारु लागै……

रंगीलों कुमो यख
छबीलो मेरु गढ़वाल
सदनी बार तियोहर
कौथीग की छे बहारा
मेरु पाड़
मी थै प्यारु लागै……

बांद न्खर्याली
जणी बुरंस प्योंली की डाली
हमरी बेटी ब्वारी
वों की महीमा च न्यारी
मेरु पाड़
मी थै प्यारु लागै……

हिंसोलां की दाणी जणी
छोटी छोटी नाणी जणी
दानो की काणी जणी
फर फराणी छ यख ब्यार
मेरु पाड़
मी थै प्यारु लागै……

मेरु पाड़
मीथै प्यारु लागै
गंगा जुमना की यख
कंण धरा लागै
मेरु पाड़
मी थै प्यारु लागै……

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
में पूर्व प्रकाशित -सर्वाधिकार सुरक्षित
बालकृष्ण डी ध्यानी