मेरा पाड़े मा

मेरा पाड़े मा

यख लागि
मिथे खुद म्यारा पाड़े कि
कन आच आँखि भीजि
म्यारा आँखा कि
यख लागि
मिथे खुद म्यारा पाड़े कि.....

बैठ्या छन मेरा दूर
मैसे वख म्यारा पाडे मा
कन व्हाला म्यारा वख
मै बिगर म्यारा पाडे मा
यख लागि
मिथे खुद म्यारा पाड़े कि.....

यख बडुली कि लागि घुट
म्यारा तांसूं उमलि तिस म्यारा पाड़े कि
वख घुघुती व्हाली डाली मा घूघ
हेरर्दी आँखि व्हाली मेरा हेर म्यारा पाड़े मा
यख लागि
मिथे खुद म्यारा पाड़े कि.....

यख कन कटणु-रैनु व्हालो मी ये फिकर
वख जिकुड़ी कि व्हाली झुर झुर म्यारा पाड़े मा
यकुली मि छु यख यकुली मेरु वख पाड़ा म्यारा पाड़े मा
ये माया औरी टक्कों कू कब तक रालो सवाल मेरु पाड़े मा
यख लागि
मिथे खुद म्यारा पाड़े कि.....

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
में पूर्व प्रकाशित -सर्वाधिकार सुरक्षित
बालकृष्ण डी ध्यानी