पर्वत गौरव

पर्वत गौरव

मेरु ऊ माना
मेरु अभिमान
मेर घुघती मेरि बुरंसी
मेरु पहाड़ कि बेटी ब्वारी

हिमाला जनि ऊन्चु थान
गंगा जी कु पाणि सम्माण
सदनि बोगनि रैंदी वा
मेरु पहाड़ कि बेटी ब्वारी

ढुंगा ढुंगा गारा गारा
मा बिखरायां मिसायां
घसा डाला कूला लिपटया मिल्यां
मेरु पहाड़ कि बेटी ब्वारी

सूद नि लि बुद नि लि
नि लि कैन क्वी खोज खबर
अब तक आजाण
मेरु पहाड़ कि बेटी ब्वारी

मेरु माया
तेरी सदनी रै छैया
हमरी भगवती बाल कुँवारी
मेरु पहाड़ कि बेटी ब्वारी

मेरु ऊ माना
मेरु अभिमान
मेर घुघती मेरि बुरंसी
मेरु पहाड़ कि बेटी ब्वारी

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
में पूर्व प्रकाशित -सर्वाधिकार सुरक्षित

बालकृष्ण डी ध्यानी