ह्युं चलूं

ह्युं चलूं

देक देकि ले ये गोरी कंठी
छजा बैठी की हैरी डाली
देबता म्यारा सुनि लिंवा
मनखी थे मेर बिंगी लिंवा
ह्युं चलूं..... ३

स्वेत रंग रंगी ये डंडी कंठी
क्द्गा स्वाणी देकें दी ये ह्युं चांटी
मेरा घर मेर पाडा बिजी जावा
फजल ऐगे यख झट ऐ जावा
ह्युं चलूं..... ३

देकदा देकदा हर्ची जैंऊँ
ये उकाला मा बिसी जैंऊँ
राती की झौल पोड़ण से पैल
म्यार अपड़ा परती आवा
ह्युं चलूं..... ३

देक देकि ले ये गोरी कंठी
छजा बैठी की हैरी डाली
देबता म्यारा सुनि लिंवा
मनखी थे मेर बिंगी लिंवा
ह्युं चलूं..... ३

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
में पूर्व प्रकाशित -सर्वाधिकार सुरक्षित

बालकृष्ण डी ध्यानी