म्यारा सपन कु उत्तराखंड
जोड़ी लू लू जोड़ी लू लू
एक एक थे बौडी लू लू
फूलूं दगडी एक माला मा गेडू लू अपरू खंड अपरू खंड
म्यारा सपन कु उत्तराखंड
हिमाला बुबा मेरु
भगवती माँ बोई मेरी
बिराजा इन सदनी मनखी मेरी
अपरा सब मनखी दगड़ियों दगडी संजोला
म्यारा सपन कु उत्तराखंड
गैर थे ना गैर करलूं
दूँन से ना इन बैर करलूं
उत्तर दखन पूरब पश्चम
मेरु बायां मेरु खुटा हिटले दगडी मेरु करम
म्यारा सपन कु उत्तराखंड
बुरंस जनि फूली रै तू
हिलांस जनि ये सरग उडी रै तू
बैठ ना इन यकुल्या आखर म्यारा
इनि सदनी ये मनखी उपजी रै तू
म्यारा सपन कु उत्तराखंड
जोड़ी लू लू जोड़ी लू लू
एक एक थे बौडी लू लू
फूलूं दगडी एक माला मा गेडू लू अपरू खंड अपरू खंड
म्यारा सपन कु उत्तराखंड
एक उत्तराखंडी
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
में पूर्व प्रकाशित -सर्वाधिकार सुरक्षित
0 टिप्पणियाँ