कख भति लाई तिल ये चांदी को हिमाला

कख भति लाई तिल ये चांदी को हिमाला

कख भति लाई तिल ये चांदी को हिमाला
श्वेत रंग मा रंगदेनी तिन कर दियो कमाल
ये मेरो पहाड़ा मेरो पहाड़ा …… २

अल्जाद्याई दिल तिल ये कांडों का घारा
बारा मैना फुटिगे यख बारा तरका का धरा

कख भति लाई तिल ये मखमली मौल्यारा
हैरा रंग मा रंगगैनी यख हैरा हैरा बोग्याला
ये मेरो पहाड़ा मेरो पहाड़ा …… २

परित इन जमैगैनी तिल गीत इन लगैगैनी
लोककला ये मेर पहाड़ का तू खूब नचैगैनी

कख भति लाई तिल ये सोना कू श्रृंगारा
घाम इनि झल्कनु जनि हो गुलबंद कु चम्कारा
ये मेरो पहाड़ा मेरो पहाड़ा …… २

नका नथुली कू घेर कथा ये अब लगनी चा
माया की गेढ़ मा मिथे बांध ले जानी

कख भति लाई तिल ये ज्वानि कू उमाला
ते बान खिंडी खेली मिल अब ये सारू गढ़वाल
ये मेरो पहाड़ा मेरो पहाड़ा …… २

कख भति लाई तिल ये चांदी को हिमाला
श्वेत रंग मा रंगदेनी तिन कर दियो कमाल
ये मेरो पहाड़ा मेरो पहाड़ा …… २

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित
बालकृष्ण डी ध्यानी