बस मेरी चिंता

बस मेरी चिंता

बस मेरी चिंता.... २ राई मेरा पास मा
नि जणदू मि कया व्हाई आच म्यारा घार मा
बस मेरी चिंता बस मेरी चिंता

कैल जले ये लंका .... २ कैल हिट यख घाम मा
सब ते ये पता चल जांदू नि पता चलणु कया हुनु च गाम मा.
बस मेरी चिंता बस मेरी चिंता

टक्कों का ब्यापारी.... २ बैठ्याँ छन सिकार मा
कै कु सिकार हुलु आच कु छोड़िक कि जाणु ये बाटू थे
बस मेरी चिंता बस मेरी चिंता

राई नि क्वी अपरू ... २ कै थे दीण मिल हाक जी
कैल सूनेण कैल बिंगण सरयुं न कनुडी धरि हात जी
बस मेरी चिंता बस मेरी चिंता

बस मेरी चिंता.... २ मिथे ले जाली आच अपरा साथ जी
कचबोली बणेकी पलयान खै जाली सरया पहाड़ थे
बस मेरी चिंता बस मेरी चिंता

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
में पूर्व प्रकाशित -सर्वाधिकार सुरक्षित
बालकृष्ण डी ध्यानी