अबी तक देख बाट हेनु छ

अबी तक देख बाट हेनु छ

बोव्ली मिल बोव्ली
मिल ब्याल ही बोव्ली
ये घुंगतु दीदा आच कल अपरा पहाड़े मा
खूब घंगतोल म्च्युं छ

रैगे नि क्वी अपरू
सबै बिराणा हुयाँ छन
मया का डाल मा सबै
उत्तांडू व्है की लटक्या छन

डिस ऐंटिना की छातु
बोल्दा प्रगति बाटा खोल्यां छन
ब्वारी सासु का घार घार टिवि मा
अब हिंदी सीरयल लग्यां छन

पैली जनि नि मिल्दा लोक
सब शिस्टाचार बिसरी गया छन
पितला कंस्यं को भण्डा
अब उबरा लुक्यां धरयां छन

देशी बिदेशी का बजार लगया छन
तुण्ड व्हैकि स्कुल नौना रुलों मा पड्या छन
सरकार अपरी सरकर बस ऐ करनी च
घोषणा बस घोषणा कु अंबार लग्यां छन

कन कै हुली प्रगति पहाड़े मा
१४ बरस बाद अब बी बिचार करणा छन
अब्जों टक्कों को ये पहाड़ बस
वै कु अबी तक देख बाट हेनु छ

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
में पूर्व प्रकाशित -सर्वाधिकार सुरक्षित

बालकृष्ण डी ध्यानी