पहाड़े की बांद तू

पहाड़े की बांद तू

कन मीठी मीठी छविं
व मै दगडी लगांद
पहाड़े की बांद तू
मेरु दिल लुची जांद … २

सेब जनि मुखडी लाल
जनि खिल्यांद
पहाड़े की बांद तू
मेरी भली दिख्यांद … २

अपरी हैंसी कथा दगड
तू मीथे हास्यांद
पहाड़े की बांद तू
अपरू दुक बिसरी जांद … २

घास को चौंफा
जनि वा मीथै बिटयांद
पहाड़े की बांद तू
मीथै मोंड मा बांदी ले जांद … २

पीड़ा विपदा कया च
ऊँ दगड तू बच्यांद
पहाड़े की बांद तू
यकुली सैरी खैरी सरयांद … २

खुद थे बी तेरी खुद आंद
सुपनियुं मा ऊ हैरा भैरा बाटा
पहाड़े की बांद तू
मेरु हाथ पकडी ले जांद … २

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
में पूर्व प्रकाशित -सर्वाधिकार सुरक्षित
बालकृष्ण डी ध्यानी