कन कन लोक ऐ जांदा

कन कन लोक ऐ जांदा

कन कन लोक ऐ जांदा हमरा जीयू थे जलाण बान
अपरि अपरि पीड़ा कथा लेकि हम्थे सुनाणा बान

मेरा बाना ऊ बिरणा छंन ऊँका बाण मी अजाण
फिर एक जग कु रीत च ऐ जांदी वैथे निभांणा बान

ऊं बिगेर मि रै नि सक्दु ईं पीड़ा खैरी भरयूँ सौंसार मा
मेरी ई मजबूरी च ऐ जांदी विंकि याद दिलाणा बान

सबुकु ऐकि की चुप रैंदु जिकोड़ी की छविं नि कर दा
आंदा जाँदा जीणा का बी लाखा भाना ऐ जांदा

अब पड़यूँ छों दोई लगुला का बीच मा तणयूँ छों
अपरी लाचारी कु वेग और्री भेद बीच फस्युं छों

ऐ जावा तुम बी अब मेर हैंसी उड़ाणा बान
मि पड़यूँ छो दस बरसा भती मिथे टांगणा बान

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
में पूर्व प्रकाशित -सर्वाधिकार सुरक्षित
बालकृष्ण डी ध्यानी