विंल मि थे हाक दे छ

विंल मि थे हाक दे छ

विंल मि थे हाक दे छ
अपरा डंडा कांठ्यूं मा
ईन पुंगडु सारियूं मा
विंल मि थे हाक दे छ

हाक मा वा बात बणिगे
मेरी विंकी अब साथ बणिगे
ईन रौलों खोल्यों मा
विंल मि थे हाक दे छ

इन मेरी विंकी बात छे
जनि कंडली भुजी रूटों साग छे
ईन चौक तिबारी मा
विंल मि थे हाक दे छ

बात बात मा बात बणिगे
दिन मेरो विंकी रात बणिगे
ईन पहड़ा मा गौं गोठ्यार मा
विंल मि थे हाक दे छ

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार
बालकृष्ण डी ध्यानी