भाग ४४घपरोल

भाग ४४

सुबेर-सुबेर घपरोल

Jump to navigationJump to search

" आजो गढवालि चुटकला" "

श्रीमती जी," कन बिजोग प्वाड़। स्यू घाम मुण्ड मा चैड़ि ग्याइ। खड़ु व्हाव मिन ब्वाल. नौ बजि गैन सुबेरो ।"

श्रीमान जी," थ्वड़ा देर हौर सिण दी यार । आज सुबेर पांच बजि त सै ही छौं मि।"

श्रीमती जी,' भद्वाड़ जायां छ्याइ क्या?

रात भर वै फोन पर फेसबुक चलाणु रौंदा। क्य चिपक्या रंदौ रात- दिन मोबाइल पर । सै नि सकद छ्याइ टैम पर।

श्रीमान जी," अरे कानी लिखणू रौंद। ब्यालि बि एक बढिया कानी ल्याख।"

श्रीमती जी," कानी लिखणू छ्याइ बल.। तुम हि त बणदा अब कालीदास। वू त ज्वानि मा हि भागि गै छ्याइ पर तुम नि भागा। क्वा कानी च । मिते बि सुणा जरा।"

श्रीमान जी ," घपरोल ।"

श्रीमती जी ," क्य उल्टू नाम धर्यूं कानी कू "घपरोल"।

पूरु सुणाव।

श्रीमान जी ," नि सुणे सकदू त्वेते। "

श्रीमती जी," इन कानी लिखद हि क्या खुणि छाव ।जू हम जनान नि सुणि सकद।फेसबुक लाइव कार्यक्रम मा त खूब सुणादा। मिन त सुण ही च आज कानी बस। पता त चाल आज कि तुम क्या लिखणो रैंदा अर क्या दिखणो रैंदा वे फेसबुक मा।"

श्रीमान जी,"अगर मिन सुणै त"' घपरोल " ह्वे जाण।

अरे अपार पुष्पा बौ आई ग्या आपर मैत बिटी। कतना लुटरी- कुटरी ,सामान च बौ मा। मि अबि आंदू बौ मुण्डो समान उतारिक।"

श्रीमती जी," घार त आवा । बौ मुण्डो भार उतारिक। तुमार मुण्ड मिन आज भारि नि कार त मि आपर बुबो बेटी नि छौं। '"

श्रीमान जी," मिन त कुछ नि बोलि. . . अबि आंदू बौक गिलास भौरिक अदरको चा स्वाद लैकि. . .

विश्वेश्वर प्रसाद-(सिलस्वाल जी)

समाज व साहित्य सेवा।मूल निवास -कड़थी,लैंसडाउन तहसील,पौड़ी गढवाल (उत्तराखण्ड )