भाग२४घपरोल

भाग२४  

सुबेर-सुबेर घपरोल

Jump to navigationJump to search

" आजो गढवालि चुटकला" "

श्रीमान जी," बंद कैर यार ते मोबाइल । सुबेर बिटिक हल्ला मचायूं रौंद त्यार। टूं- टूं टें टें -भजन, कीर्तन, कथा। द्वी- तीन साल ह्वै गैन सुणद -सुणद। मि भी बैरा ह्वै ग्यूं ते ट्यूं टांट सुणिक । कौन से व्यास बणि गै तू या मुरारी बापू क तरां कथा वाचक ? "

श्रीमती जी," म्यार दगड़ जादा नि बुन। फिर तुम बि बंद कारा ते मोबाइल अर लेपटोप। जब द्याख्या " मि त कविता लिखणू छौं। मि कहानी लिखणू छौं। मि त लाइव काव्य पाठ सुणणू छौ्। ना खाणि ना पीणि टैम पर । मि त साहित्यक ज्ञान प्राप्त करणू छौं।

इन बतावा कि तुमते कौन सा अमेरिके लोइसे इलिसाबेथ गलुक ( अमेरिका) दगड़ सन् 2020 कू नोबेल पुरस्कार मिलि ग्याइ क्या? बत्था करणा छन वख ।"

(श्रीमान जी चुप। क्वी बोलि सकद च क्या अपरि श्रीमती जीक इन सवालो ऐथर)

विश्वेश्वर प्रसाद-(सिलस्वाल जी)

समाज व साहित्य सेवा।मूल निवास -कड़थी,लैंसडाउन तहसील,पौड़ी गढवाल (उत्तराखण्ड )