भाग ३४घपरोल

भाग ३४

सुबेर-सुबेर घपरोल

Jump to navigationJump to search

" आजो गढवालि चुटकला" "

श्रीमान जी," अरे कख छै। एक कूऽला चा बणै। मोरि ग्यूं मि जाड्डू न वे थाना मा।'

श्रीमती जी," तुम क्या माख माना छ्याइ वख। हमारु धरमू त राति ग्यारह बजि हि वापस ए ग्याइ छ्याइ।"

श्रीमान जी," कख च वू त्यार धरमू। वैक कपाल फुड़दू मि ये लाठन।"

श्रीमती," वू त आफिस भागि ग्याइ । पर तुमन क्या कारि जू वै ते छोड़िक पुलिस न तुमतें बंद कारि।"

श्रीमान जी," जादा बकबास नि कैर तू बि। परसि तेरी साड़यू खरिदनो चक्कर देर नि व्है ग्याइ छै त राति नौ बजि वापस आंद दफै एक कार पर साइड मारि भागि छ्याइ हम।'

श्रीमती," पूरु रामलीला नि दिखाव अब।दशहरा बि खत्म ह्वै ग्याइ । सीधा बतौ । क्या ह्वाई।"

श्रीमान जी," सी०सी०टी०वी देखिक एक छोरिन पुलिस मा रिपोर्ट लिख्याइ। एक्सीडेंट कु। गाड़ी फोटो साफ च पर ड्राइवर चेहरा नि दिखेणु।"

श्रीमती जी," पर तुमतें त गाड़ी चलाण हि नि आंदि। तुमतें किले पकड़?"

श्रीमान जी," सब तेरि धरमू करामात च। येन ब्वाल कि म्यार बुबा चलोणु छ्याइ गाड़ी । आफ भागि आइ ग्या अर मिते फसैं ग्याइ।

श्रीमती जी ," फिर ।"

श्रीमान जी," फिर त्यार कपाऽल। मिन बि बोलि द्य्याइ कि मेरि जनानि चलाणि छै मि मा त लाइसेंस बि नि। अब त्वे ते पकड़ि लि जाऽल पुलिस ।"

श्रीमती जी," कन बिजोग प्वाड़। म्यार नाम तुमन किले लग्याइ। मि मा कख च लाइसेंस। अब मिन क्या कन।"

श्रीमान जि,_ " अब मि क्या पता। जन मिते बखलांदि वनि पुलिस तैं बि रिबड़े देन । स्यू त्यार बेलन हथियार नि। वै तैं लि जैन । जू कुछ करदि तू जाणि अर् त्यार धरमू। "

श्रीमती जी," मि अगर बंद ह्वाई त। मिन तुम बि नि छुड़न । दगड़ि नि लिग जेल त देखि लेन । "

विश्वेश्वर प्रसाद-(सिलस्वाल जी)

समाज व साहित्य सेवा।मूल निवास -कड़थी,लैंसडाउन तहसील,पौड़ी गढवाल (उत्तराखण्ड )