भाग ७३ घपरोल

भाग ७३   

सुबेर-सुबेर घपरोल

Jump to navigationJump to search

" आजो गढवालि चुटकला" " "

श्रीमान जी," हैप्पी न्यू ईयर. बधै भै नै साल की"। क्य बात व्हैलि।आज त ब्यालि रात बिटी अबि तक दरवाजो बि बंद । हे धरमू ब्वै. . ."

श्रीमती जी(कमरो दरवाजु खुलद)," क्यांकू ऐड़ाणा छवा।"

श्रीमान जी," मिन ब्वाल हैप्पी न्यू ईयर।कमाऽल ह्वै गै । त्यार बुलण पर बच्चा सबि पुष्पा बौ घार मनाणा छया राति नै साल. "

श्रीमती जी,"मिन क्य करण तब।जखि मनै व्हालू।"

श्रीमान जी," यार तू आज नै साल 2021 कू पैलि दिन झगड़ा नि कैर।आज त कम से कम प्यार से बात कैर। "

श्रीमती जी," हौर साल प्यार सै बात कैरि त क्य भद्वाड़ खैणि तुमन।"

श्रीमान जी," राति जब हम वापिस आवा त तिन दरवाजू हि नि ख्वाल।सर्रा राति मि ये बरामदा मा जाड्डू मा सिंयू रौ।"

श्रीमती जी,"वखि सै जांद जख वींक दगड़ नै साल मा नचाणा छ्याइ।!

श्रीमान जी," आफिक तिन बोलि छै कि म्यार घार घमसाण मचाणो जरुरत नि। वखि पुष्पा बौ क घार मनावो नै साल। पर घार त आणि छ्याइ ना।"

श्रीमती जी,"जादा नखराट नि कारा। पांच बजि त वापस आणा छवा अर झूट्ठ ,सर्रा रात बल जाड्डून मोरि ग्यों मि।"

श्रीमान जी," चल। व्हई तब। क्य बणानि छै आज नै सालुक पैल दिन?!

श्रीमती जी," कुछ ना। चैता मैना हुंद म्यार नै वर्ष । वै दिन बणांद मि उड़दू क पकौड़ी। आज त अंग्रेज़ी नै साल त। आफिक बणै ल्यावादि पीजा -सीजा."

श्रीमान जी," क्वी बात नि ।चाय त पिलै दी। धुंध छंई आज भैर ।"

श्रीमती जी," बणौ अर पी। पकौ अर खा'

ये साल मा मिन कम बुलण, कम पकाण अर कम खाण। बस।"

श्रीमान जी," पर किलै? मिन त कुछ नि ब्वाल. .

श्रीमती जी," खूब बोलो। ना तो मैं अब मायके जाऊंगी और ना किसी के लिये पकाऊंगी। मेरा नये साल का रेजुलिशन। हाँ !अब गढवाली छोड़ हिंदी -इंगलिश में बात करुंगी।"

श्रीमान जी,"पर किलै? मिन त कुछ नि ब्वाल।"

श्रीमती," मेरी मर्जी।मुझे गंवार समझते थे ।अब बताऊंगी कि मैं क्या कर सकती हूँ। कम बोलू्गी और कम सुनुँगी. . .आधी पेंशन आधी तनख्वाह सब मेरे हाथ में देंगे पहली तारीख को वरना . .

श्रीमान जी," पर किलै?मिन त कुछ नि ब्वाल. . . . . . हैप्पी न्यू ईयर क सिवै. .

श्रीमती जी,"वैरी वेैरी हैप्पी न्यू ईयर टू यू आॅल

(घपरोल जारी)

विश्वेश्वर प्रसाद-(सिलस्वाल जी)

समाज व साहित्य सेवा।मूल निवास -कड़थी,लैंसडाउन तहसील,पौड़ी गढवाल (उत्तराखण्ड )